Түркістан облысында тепловоз жүк көлігімен соқтығысты

Түркістан облысында тепловоз жүк көлігімен соқтығысты, деп хабарлайды POLITICO.KZ

Бүгін, 8 тамыз күні таңғы сағат 04:30-да Түркістан облысындағы Қызылсай – Шымкент аралығындағы теміржол өткелінде жол-көлік оқиғасы болды. Бұл туралы «Қазақстан темір жолы» АҚ баспасөз қызметі хабарлады.

Мәліметтерге сәйкес, HOWO жүк көлігінің жүргізушісі жол жүру ережесін өрескел бұзып, күзетілетін теміржол өткеліне жақындап келе жатқан тепловоздың алдына шығып кеткен.

Апат салдарынан қаза тапқандар жоқ, алайда жүк көлігінің жүргізушісі ауруханаға жеткізілді.

Жол-көлік оқиғасы пойыздардың қозғалыс кестесіне әсер етті. Қазіргі уақытта үш жолаушылар пойызының қозғалысы уақытша тоқтап, кешігіп жатқаны хабарланды.