Түркияда тау-шаңғы курортындағы қонақүйде ірі өрт болып, 10 адам қаза тапты

Түркияның Болу провинциясындағы Карталкая тау-шаңғы курортында қонақүй өртеніп, 10 адам қаза тапты, тағы 32 адам жарақат алды, деп хабарлайды POLITICO.KZ.

Өрт 21 қаңтар күні түнгі сағат 3:27-де (Қазақстан уақытымен 5:27) 12 қабатты қонақүйдің бір бөлмесінде басталған. Оқиға орнына 267 мемлекеттік қызметкер тартылды. Өрт жылдам таралып, ғимараттың бүкіл аумағын шарпыған.

Түркияның ішкі істер министрі Али Ерликаяның айтуынша, өрттен 10 адам қаза тауып, 32 адам жарақат алған. Жарақат алғандар жақын маңдағы ауруханаларға жеткізілді.

Өрт сөндірушілер жалынды бақылауға алды. Қонақүйдегі демалушылар эвакуацияланып, қауіпсіз жерлерге орналастырылды. Оқиға орнында жедел жәрдем қызметі жұмыс істеуде.

Бейне