Украина мен Ресей 350 әскери тұтқындарды өзара алмастырды

Украина мен Ресей ірі көлемде тұтқын алмасты

Ресей мен Украина «175-ке 175» формуласымен тұтқын алмасу процесін аяқтады, деп хабарлайды POLITICO.KZ.

Ресей қорғаныс министрлігінің хабарлауынша, 19 наурыз күні Украинамен келіссөздер нәтижесінде 175 ресейлік әскери қызметші елге қайтарылған. Өз кезегінде Ресей де Украинаға дәл осынша – 175 украиналық әскери тұтқынды тапсырды. Сонымен бірге Мәскеу тарапы ауыр жарақат алған, шұғыл медициналық көмекке мұқтаж тағы 22 украиналық тұтқынды қайтарғанын жеткізді.

«Украинаға берілген ауыр жарақаттанған 22 әскери тұтқын Ресей тарапынан ізгі ниет белгісі ретінде қайтарылды», – делінген Ресей қорғаныс министрлігінің хабарламасында.

Бұл екі ел арасындағы соңғы уақыттағы ең ірі тұтқын алмасу операциясы болып отыр.