Ұлдана Мырзуанның ісі: Сот күйеуін жәбірленуші мәртебесінен айыру туралы өтінішті қанағаттандырмады

Астанада қаза тапқан 23 жастағы жедел жәрдем фельдшері Ұлдана Мырзуанның бұрынғы күйеуі Әділет Зейнелді жәбірленуші мәртебесінен айыру туралы өтініш қанағаттандырылмады, деп хабарлайды Politico.kz.

Бұл туралы журналист Руслан Өтепбай өзінің әлеуметтік желідегі парақшасында жазды. Бұған дейін марқұмның қазасынан 8 ай өткен соң қайта шаңырақ көтерген Әділет Зейнел өз мәртебесінен Ұлдананың анасы Сәлима Ешанқұлованың пайдасына бас тартуға өтініш беретіні айтылған еді.

Сот Әділеттен жауап алғаннан кейін ғана жәбірленуші мәртебесі толықтай марқұмның анасына өтеді. Келесі сот отырысы 20 тамызға белгіленген.

Айта кетейік, аталған іс бойынша барлығы 6 адам зардап шеккен деп танылған.