ҰҚК Ақтаудағы ІІМ әскери-тергеу басқармасының басшысын ұстады

Ақтауда Ұлттық қауіпсіздік комитеті Батыс өңірлік әскери-тергеу басқармасының басшысы Мұхит Жәңғашевті ұстады, деп хабарлайды POLITICO.KZ.

Комитеттің баспасөз қызметі растағандай, Жәңғашевпен бірге оның қол астындағы қызметкері, аға лейтенант Асхат Сәдуақасов та күдікке ілінген. Тергеу ісі ҚР Қылмыстық кодексінің 366-бабы «Пара алу» бойынша жүргізілуде. Қосымша мәліметтер тергеу құпиялығына байланысты жарияланбады.

Дегенмен, белгілі болғандай, офицерлер 1 миллион теңге көлемінде пара алып, Қорғаныс министрлігінің қызметкерін қылмыстық істе қолдау көрсетуге уәде берген. Ұсталған кезде олардың қолынан 700 мың теңге табылған, бұл параның бір бөлігі болуы мүмкін.

Басшының көлеңкелі өткені

47 жастағы Мұхит Жәңғашев бұған дейін де атышулы істерге қатысқан. 2023 жылы ол Оңтүстік өңірлік әскери-тергеу басқармасының басшысы болып тұрған кезде, оның қол астындағы бас бухгалтер Мақсат Мұқат 126 миллион теңге ұрлады деген айыппен сотталған.

Сот барысында Мұқат ақшаны Жәңғашевпен бірге жымқырғанын айтып, оны сүйіктісіне қымбат сыйлықтар мен шетелдік демалыстарға жұмсағанын мәлімдеген. Мұқаттың айтуынша:

«2018 жылы пәтер іздей бастадық, 2019 жылы ғана сатып алдық. Ол пәтерге ештеңе қоспады. Мен жиһазбен қамтамасыз еттім, телефонына теңге салдым, түскі асқа апарып жүрдім».

Жәңғашев бұл айыптарды теріске шығарып, қол астындағы қызметкеріне толық сенгенін айтты. Дегенмен, сот оның кінәсін дәлелдей алмаған соң, бас бухгалтер 8 жылға сотталды.

2023 жылы Жәңгашев Батыс өңірлік басқармасының басшысы қызметіне тағайындалды. Бірақ 2024 жылдың соңында ол жаңа қылмыстық істің басты фигуранты атанып отыр.

Ақпарат ORDA.KZ сайтынан алынған.