ҰҚК еліміздің 11 өңірінде заңсыз қару-жарақты тәркіледі

ҰҚК еліміздің 11 өңірінде заңсыз қару-жарақты тәркіледі
Фото: ҰҚК

Ұлттық қауіпсіздік комитеті (ҰҚК) полициямен бірлесіп, Шымкент қаласы мен 10 облыста заңсыз сақталған 45 атыс қаруын, 10 граната және 1 259 оқ-дәріні тәркіледі, деп хабарлайды Politico.kz.

ҰҚК мәліметінше, жедел іздестіру шаралары 2026 жылдың қазан-қараша айларында жүргізілген. Операция Ақтөбе, Атырау, Шығыс Қазақстан, Жамбыл, Қарағанды, Қызылорда, Маңғыстау, Павлодар, Абай және Жетісу облыстарын қамтыған.

Тәркіленген қарулардың арасында бес автомат, 26 мылтық және 14 тапанша бар.

Аталған деректер бойынша сотқа дейінгі тергеу жүріп жатыр.

Комитет заңсыз қару айналымына қарсы жұмыс жалғасатынын хабарлады.

Бізді Google-дың негізгі дереккөздер тізіміне қосыңыз
Қосу