Вальс билеген Сәкен Майғазиев пен Мәдина Сәдуақасова сынға қалды

Танымал әншілер Сәкен Майғазиев пен Мәдина Сәдуақасова Тоқтар Серіковтың 50 жылдық мерейтойында вальс билеп, көпшіліктің назарын өздеріне аударды, деп хабарлайды POLITICO.KZ.

Әлеуметтік желіде олардың әңгімелесіп, баяу әуенмен вальс билеп тұрған видеосы тез таралып, қызу талқы тудырды.

Видео жарияланғаннан кейін пікірлер екіге бөлінді. Бір тарап билеуді орынсыз деп санап,

«Біреудің жары мен біреудің күйеуі бірге вальс билеуі дұрыс емес», — деп сын айтты.

Кейбірі отбасы мүшелерінің бұл сәтке қалай қарайтынына күмән келтіріп,

«Сәкеннің жұбайы қайда, Мәдинаның күйеуі қайда екені белгісіз», — деген пікір қалдырды.

Сонымен бірге өнер иелерін жақтап, бұл әрекетте еш оғаштық жоқ екенін айтқандар да көп болды. Олар өз пікірін:

«Олар — өнердегі достар ғана», — деп білдірсе, енді бірі жағдайды жылы қабылдап,

«Билегенінде тұрған не бар, бәлкім болашақта құда да болып қалар, өте жарасымды», — деп жазды.