X Factor Uzbekistan сахнасында Димашқа ұқсайтын қазақстандық өнер көрсетті

X Factor Uzbekistan жобасында қазақстандық қатысушы Нұрсұлтан Құдайбергеннің өнері көрермендерді таңғалдырды, деп хабарлайды POLITICO.KZ. 
Оны көпшілік бірден әйгілі әнші Димаш Құдайбергенмен салыстырды - ұқсастық тек сырт келбетінде ғана емес, дауыс мәнерінде де байқалды.
Бағдарлама кезінде қазылар алқасы Нұрсұлтанның Димашқа ұқсастығына назар аударып, оның ерекше дарынын атап өтті. Ал желі қолданушылары бұл ұқсастықтың жай сәйкестік пе, әлде тағдырдың тәлкегі ме — деп қызу талқылауда.
Қазірдің өзінде Нұрсұлтанның өнер көрсеткен бейнежазбасы әлеуметтік желілерде танымал болып жатыр. Көптеген қазақстандықтар талантты жерлесін қолдап, оның алдағы жетістіктерін асыға күтуде.
Бірақ кейбірі басқа әншіні қайталамай, өзінің жолын қалыптастырған жөн деп пікір білдірді.