Зеленский АҚШ-та Дональд Трамппен кездесуге баратын болды

Украина президенті Владимир Зеленский ертең, 28 ақпанда, АҚШ-қа ресми сапармен барады. Ол Вашингтонда АҚШ-тың экс-президенті Дональд Трамппен кездеспек, деп хабарлайды POLITICO.KZ.

Кездесу барысында екі ел арасында сирек металдар мен басқа да салаларға қатысты келісімге қол қойылатыны болжануда.

"Біз Ресеймен қарым-қатынасты жақсартудамыз. Украина президенті Зеленский жұма күні келеді. Бұл ресми түрде расталды. Біз ірі келісімге қол қоямыз", – деді Трамп өз кабинетінің отырысында.

Сондай-ақ, ол Ресей мен Украина арасындағы соғысты тоқтату мақсатында маңызды мәміле жасауға ниетті екенін айтты.

"Ең бастысы – адамдардың қаза табуын тоқтататын келісімге келуіміз", – деп түйіндеді Трамп.