Зеленский Украинасыз келіссөздер жүргізуді әділетсіз деп атады

Украина президенті Владимир Зеленский әділ келіссөздер өткізуге шақырды және Сауд Арабиясына жоспарланған сапарын кейінге қалдырды, деп хабарлайды The Guardian.

Зеленский Украинадағы соғысты тоқтатуға бағытталған бейбіт келіссөздерге Еуропалық Одақ, Түркия және Ұлыбританияның қатысуын талап етті.

"Келіссөздер Ресей мен АҚШ өкілдері арасында жүргізілуде. Украинаның тағдыры туралы-тағы да Украина туралы – бірақ Украинасыз", – деді Зеленский Анкарадағы баспасөз мәслихатында.

Оның айтуынша, Еуропа мен АҚШ бірлесіп қауіпсіздік кепілдіктерін әзірлеуі тиіс, себебі бұл тек Украина үшін емес, бүкіл аймақтың болашағы үшін маңызды.

Сонымен қатар, Зеленский 21 ақпанда Сауд Арабиясына жоспарланған сапарын кейінге қалдырғанын мәлімдеді. Associated Press агенттігінің хабарлауынша, бұл шешім оның сапарын АҚШ пен Ресей арасындағы келіссөздермен байланыстырмау үшін қабылданған.

Бұған дейін АҚШ пен Ресей делегациялары Сауд Арабиясында Украинаға қатысты келіссөздер өткізген болатын.