Желіде облыс әкімі Берік Уәли мен атышулы Арман Әбілтаевтің суреті тарауда

Берік Уәли мен «Әліби ісінің» фигуранты Арман Әбілтаевтың суреті желіде жарияланды, деп хабарлайды POLITICO.KZ

Журналист Михаил Козачков өзінің арнасында жариялаған бір фото көпшіліктің қызу талқысына түсті. Суретте Абай облысының әкімі Берік Уәли мен атышулы «Әліби ісіне» қатысы бар Арман Әбілтаев қатар тұр.

Арман Әбілтаев 2015 жылы елді дүр сілкіндірген атышулы оқиға – кәсіпкер Әліби Жұмағұловты аяусыз соққыға жыққан қылмыстық істе айыпталған. Ол Қайрат Жамалиев пен Анатолий Прибытковпен бірге Жұмағұловтан ақша бопсалады деп танылып, 12 жылға сотталған еді. Алайда жазасын толық өтемей, 2018 жылы шартты түрде бостандыққа шыққан.

Сол уақыттан бері оның аты-жөні ақпараттық кеңістікте мүлде көрінбей келген болатын.