Жоғарғы сот: Трамптың Ақ үйдегі әрекеттері үшін жартылай иммунитеті бар

Сот төрағасы Джон Робертс президенттің қызмет кезінде жасаған ресми әрекеттері үшін қудалаудан «абсолютті иммунитеті» бар екенін айтты. Иммунитет бейресми әрекеттерге қолданылмайды және айыптың қызметтік немесе бейресми әрекеттерге қатыстылығын анықтау үшін іс төменгі сатыдағы сотқа жіберіледі. Трамп бұл шешімді демократияның жеңісі деп атап, әлеуметтік желідегі парақшасында америкалық екенін мақтан тұтатынын жазды. Үш либералды судья бұл шешімге қарсы шығып, оны президенттік институтты өзгертетінін және демократияға қауіп төндіретінін мәлімдеді. Президент Джо Байден мұны қауіпті прецедент және заң үстемдігін бұзу деп атап, ешкім, тіпті президент те заңнан жоғары емес екенін айтты.

«Бұл ел Америкада патшалар жоқ деген қағида бойынша құрылған. Заң алдында бәріміз бірдейміз. Ешкім, тіпті АҚШ президенті де заңнан жоғары емес. Бүгінгі шешім әрине, президент жасай алатын іс жүзінде ешқандай шектеулер жоқ дегенді білдіреді. Бұл топты Капитолийге жіберген адам сол күні болған оқиға үшін қылмыстық жауапкершілікке тартылды. Америка халқы өз жауабын алдағы сайлауға дейін соттан алуға құқылы. Енді бүгінгі шешімге байланысты бұл екіталай болады», - деді Байден дүйсенбіге қараған түні теледидарда сөйлеген сөзінде.

Ақпан айында Жоғарғы сот Трамптың сайлау қорытындыларын жоққа шығарғысы келетін іс бойынша иммунитеті жоқ деген шешімге шағымын қарауға келісті. Арнайы прокурор Джек Смит апелляциялық процесс кейінге қалдырылады деп қорқып, соттан араласуды сұрады. Иммунитет туралы шешім шыққанша сот отырысы кейінге қалдырылды.