«Барлық азаматқа 140 мың теңгеден біржолғы төлем төленеді» – министрлік түсінік берді

Қазақстанда барлық азаматқа 140 мың теңгеден басталатын жаңа арнайы әлеуметтік төлем пайда болғаны туралы ақпарат шындыққа жанаспайды.

Еңбек және халықты әлеуметтік қорғау министрлігі баспасөз қызметінің хабарлауынша, аталған ақпарат әлеуметтік желілер мен мессенджерлерде тараған және онда төлемді тексеру үшін сілтемеге өту ұсынылады.

Төлемнің мұндай түрі жоқ екенін хабарлаймыз. Тиісінше, хабарламада көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Сол себепті сілтемеге өтпеген жөн. Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады, – делінген хабарламада.

Сондай-ақ ведомство азаматтардан тек ресми көздердегі ақпаратты пайдалануды сұрайды. Жалған ақпарат тарату заңмен жазаланады.

Фото: Еркеғали Болатұлы