1 қыркүйек күні мұғалімдерге 70 мың теңге төленетін болды

Ресейдің Тверь облысының мұғалімдері жаңа оқу жылының басталуына орай он мың рубль қаржылай қолдауға ие болады. Бұл туралы ақпарат өңірлік үкіметтің Telegram-арнасында жарияланды.

«Губернатор Игорь Руденяның шешімімен Тверь облысының мұғалімдері 1 қыркүйекке арнайы төлем алады. Бұл төлем дәстүрлі әрі жыл сайынғы сипатқа ие болады», – делінген ресми хабарламада.

Сонымен қатар облыс билігі білім беру мекемелерінің өзге де қызметкерлеріне бес мың рубль көлемінде төлем жасалатынын атап өтті. Дегенмен нақты қай санаттағы қызметкерлерге берілетіні әлі нақтыланбаған.