"Апай деп айту сауатсыздықтың белгісі емес": тіл маманы Баян Алагөзоваға қарсы шықты

Филолог Арын Құнанбайұлы "мені апай деп атама" деген продюсер Баян Алагөзованың сөзімен келіспейтінін жеткізді, деп хабарлайды Politico.kz

Бұл туралы ол Narikbi LIVE Youtube арнасына берген сұхбатында мәлімдеді.

"Баян Алагөзованың «не называй меня апай» деуі – қазақ тілінің қаратпа жүйесін өзге тілдік өлшеммен бағалаудың көрінісі, - дейді ол.

Филологтың сөзінше, қазақ тілінде «апай» сөзі кемсіту немесе төмендету емес.

"Бұл – ресми әрі мәдени қаратпа. Институтта «Апай», «ағай» деп айту – сауатсыздықтың не төмен мәдениеттің белгісі емес. Кейбір тілдерде ресми қарым-қатынас есім мен әке аты арқылы қалыптасса, қазақ тілінде ресми стиль туыстық атауларға сүйенеді. Сондықтан қазақ тіліндегі қаратпа жүйесін басқа тілдік үлгіге бейімдеуге болмайды", — деді тіл маманы.

#Баян Алагөзова #сұхбат #филолог #шоу-бизнес