Ақтөбеде тағы бір ауылды су шайып кетті

Ақтөбе облысы Қобда ауданында ауыл жолын су шайып кетіп, көлік қатынасы уақытша тоқтады,  деп хабарлайды POLITICO.KZ.

Әлеуметтік желідегі batyr_bloger парақшасының мәліметінше, Қобда ауданының Қанай ауылына апаратын 3 шақырымдық жол су астында қалған. Қазіргі уақытта оқиға орнына қажетті техника мен мамандар жіберіліп, жағдай бақылауға алынған.

Су деңгейі төмендегеннен кейін жол қатынасы қалпына келтірілмек. Ал Ойыл ауылының тұрғындары үшінші тәулік қайықпен қатынап жатыр. Құтқарушылар осы уақытқа дейін су көлігі арқылы 350-ге жуық адамды тасымалдаған.