Астанада екінші әуежай салынатын жер туралы ақпарат жалған болып шықты

7 маусым 2026, 09:32 909

Астанада екінші әуежай салынатын жер туралы ақпарат жалған болып шықты

Астана әкімдігі мәлімдеме жасады

Астана әкімдігі бұқаралық ақпарат құралдары мен әлеуметтік желілерде тараған екінші әуежайдың орны анықталды деген ақпаратқа түсініктеме берді, деп хабарлайды Politico.kz.

Ведомствоның мәліметінше, кейбір дереккөздер жаңа әуежай салынуы мүмкін деп көрсеткен Астананың солтүстік-батыс бағытындағы, Шортанды кенті маңындағы аумақ елорда шекарасына кірмейді. Сондықтан бұл жерді Астананың Бас жоспарына екінші әуежай ретінде енгізу мүмкін емес.

Әкімдік қазіргі уақытта екінші әуежайдың нақты орналасатын жері бойынша түпкілікті шешім қабылданбағанын мәлімдеді. Қазір Астананың 2035 жылға дейінгі Бас жоспарына енгізілетін өзгерістер аясында әуе айлағын орналастырудың бірнеше перспективалы бағыты ғана қарастырылып жатыр.

Жоба елордалық мәслихат депутаттарының мақұлдауынан өткеннен кейін Үкіметтің келісуіне жолданады.

Сондай-ақ әкімдік тұрғындар мен БАҚ өкілдерін тек ресми әрі тексерілген ақпаратқа сүйенуге шақырды.

Астанада екінші әуежайдың салынатын орны белгілі болды

“Пышақтап, көлігін тартып алған”: Алматыда көлік саудасы қанды оқиғаға ұласты (ВИДЕО)

Астана жаңа әуежай ресми ақпарат әкімшілік

Бізді Google-дың негізгі дереккөздер тізіміне қосыңыз

Қосу