Аттракционға мінген 5 жасар бүлдіршіннің саусағы жұлынып кеткен

Қобда ауданы, Жарық ауылының бес жастағы тұрғыны оқыс жағдайға тап болды.

Аттракцион бүлдіршіннің саусағын жұлып кеткен.

"Астана" телеарнасының хабарлауынша, Аяла сол күні бауырларымен қалаға келіп, аттракционға барған. Қасында әжесі болыпты.  «Жұлдызша» әткеншегіне  мінбек болған баланың  қолын темір шынжыр тартып кеткен. 

Ол саусағын ғана қысып қалып тұр, толығымен баланы алып кетпегеніне шүкір.  Баламды шайнап кетсе,   «Баланың өзі кінәлі» деп тұра ма? Бұл - бала, ол жерде ұстамау керек екенін білмейді. Ешқандай қауіпсіздік ережесі сақталмаған, - деді анасы.

Дәрігерлер бүлдіршіннің жағдайы орташа ауыр деп бағалап отыр.