Атырау облысында жоғалып кеткен аңшының мәйіті табылды

19 желтоқсан 2025, 17:04 1372

Атырау облысында жоғалып кеткен аңшының мәйіті табылды — Фото: pixabay

Атырау облысында 14 желтоқсанда аң аулауға шығып, байланысқа шықпай қалған ер адамды іздеу жұмыстары аяқталды. Жоғалып кеткен аңшының мәйіті дала аймағынан табылған, деп хабарлайды Politico.kz.

БАҚ мәліметінше, ер адам аң аулауға кеткеннен кейін ұзақ уақыт бойы хабарсыз кеткен. Іздеу барысында оның УАЗ маркалы автокөлігі осы аумақтан бұрын анықталғанымен, өзі табылмаған болатын.

Жоғалған азаматты іздеуге құтқарушылар, полиция қызметкерлері және еріктілер тартылған. Бірнеше күнге созылған іздестіру нәтижесінде аңшының денесі жазық дала аумағынан табылды.

Қазіргі уақытта оқиғаның нақты мән-жайы мен өлімнің себебі анықталуда. Құзырлы органдар тарапынан әзірге ресми түсініктеме берілген жоқ.

Тергеу нәтижелері бойынша қосымша ақпарат кейінірек жариялануы мүмкін.

Атырау аңшы Кісі өлімі

Бізді Google-дың негізгі дереккөздер тізіміне қосыңыз

Қосу

Атырау облысында жоғалып кеткен аңшының мәйіті табылды

Соңғы жаңалықтар