Әйел жүктілігін білмей, көлік тұрағында босанып қалды

Польшаның Войковице қаласында 38 жастағы әйел жүктілігін мүлде байқамай, аяқасты босанып қалды. Бұл туралы Super Express News хабарлады.

Кейінгі кездері ішінің қатты ауруы мен қынаптан қан кетуіне байланысты жедел жәрдем қызметіне қоңырау түскен. Оқиға орнына бірден екі жедел жәрдем тобы мен арнайы медициналық көлік жіберілді.

Алайда дәрігерлер келгенше әйел сәбиді дүниеге әкеліп үлгерген. Қыз бала жарық дүние есігін ашты. Анасы оқиғаға таңданысын жасыра алмай, өзінде жүктілік болғанын мүлде білмегенін айтқан.

Нәресте мерзімінен бұрын туғандықтан, неонатология бөліміне жеткізілді. Ал анасы Семяновице-Слёнск қаласындағы ауруханаға жатқызылып, дәрігерлердің бақылауына алынды. Қазіргі таңда екеуінің де жағдайы қадағалануда.