«Айта берсең көп, қайсыбірін айтайын». Роза коуч Гүлзира Айдарбекованың сынынан кейін алғаш рет жауап берді

Танымал блогер әрі коуч Роза Әшірбаева әйелдерге не себепті ажырасуға кеңес беретінін түсіндіріп, әлеуметтік желідегі парақшасында пікір білдірді, деп хабарлайды Politico.kz.

Ол отбасылық кикілжіңдер мен ажырасудың шынайы себептеріне тоқталып, өзі куә болған оқиғаларды алға тартты.

«Бұл мен танитын хикаялардың төртеуі ғана. Жалғастыра берсең көп. Қайсыбірін айтайын? Әлі күнге дейін ажырасудың не себепті көп екенін түсінбейтіндерге таңғаламын. Ресми статистикаға қарасақ: ұрып-соғу, алкоголь, құмар ойын, есірткі, көзге шөп салу және туыстардың ортаға түсуі. Ал сіздің таныстарыңыз не үшін ажырасты?» деп жазды коуч.

Еске сала кетейік, бұған дейін продюсер Гүлзира Айдарбекова Роза Әшірбаеваның әрекетін сынап, психологтың отбасылық мәселелер туындаған кезде әйелдерді бірден ажырасуға итермелейтініне наразылық білдірген еді.

Гүлзира Айдарбекова коуч Роза Әшірбаева Әлеуметтік желі

«Айта берсең көп, қайсыбірін айтайын». Роза коуч Гүлзира Айдарбекованың сынынан кейін алғаш рет жауап берді

Соңғы жаңалықтар