Келер жылдан бастап зейнетақы күрт өседі

Қазақстанда зейнетақы төлемдері 2027 жылғы 1 қаңтардан бастап 8,5%-ға артады деп жоспарлануда, деп хабарлайды Politico.kz.

Жарияланған республикалық бюджет жобасында алдағы үш жылға арналған зейнетақы төлемдерінің жаңа көлемі көрсетілген.

Жобаға сәйкес, 2027 жылдан бастап:

 * Ең төменгі зейнетақы — 74 919 теңге;

 * Ең төменгі базалық зейнетақы — 38 622 теңге болады.

Сондай-ақ жасына және еңбек өтіліне байланысты төленетін төлемдер де бірдей мөлшерде (8,5%) өседі. Алдағы үш жылда базалық зейнетақының орташа көрсеткіші кезең-кезеңімен ұлғаймақ: 2027 жылы — 59 мың теңге, 2028 жылы — 62,8 мың теңге, 2029 жылы — 67 мың теңгеге жеткізу көзделген.

Ал орташа ынтымақты зейнетақы мөлшері мынадай тәртіппен өседі деп күтілуде:

 * 2027 жылы — 111,6 мың теңге;

 * 2028 жылы — 118 мың теңге;

 * 2029 жылы — 124,7 мың теңге.

Осы мақсатта зейнетақы мен жәрдемақы төлемдеріне бюджеттен бөлінетін қаржы көлемі де жыл сайын артып, 2027 жылы 6,86 трлн теңгені құраса, 2029 жылға қарай 8 трлн теңгеге жетпек.

Айта кетейік, аталған құжат — әзірге бекітілмеген бюджет жобасы. Ол 5 қыркүйекке дейін қоғамдық талқылауда болып, кейін Парламент қарауына ұсынылады. Егер құжат қолдау тапса, жаңа мөлшерлемелер 2027 жылдың басынан күшіне енеді.