Көлік салығы толығымен жойылады

Енді қырғызстандықтартар автокөлік үшін салық төлемейді.

Қырғызстанда автокөлік салығы толығымен жойылды. Қырғызстан президенті тиісті жарлыққа қол қойды. 

 Бұл шешім «жол қоры туралы» заңға сәйкес, әр литр отыннан бір сом жинауды көздейтін өзгерістердің күшіне енуіне байланысты қабылданды. 

«Көлік құралдарына салық алынбайды, оның орнына 1 қаңтардан бастап көлікке құйылған әрбір литр бензин немесе дизель үшін бір сом алынады. Сонымен қатар мен 2025 жылдың 1 қаңтарына дейін автокөлікке салық төлемеген азаматтарды да салықтан босатуды тапсырдым», - деді Садыр Жапаров.

Оның айтуынша, 2022 жылдың 1 қаңтарына дейін жинақталған заңды және жеке кәсіпкерлердің барлық қарыздары да кешіріледі.