Маңғыстау облысында 13 жастағы қызын зорлаған ер адам өзін-өзі атып тастады

27 қаңтар 2026, 14:35 1603

Маңғыстау облысында 13 жастағы қызын зорлаған ер адам өзін-өзі атып тастады — Фото: ашық дереккөз

Маңғыстау облысында кәмелетке толмаған балаға қатысты жыныстық зорлық дерегі бойынша қылмыстық іс қозғалды. Алайда күдікті ретінде қаралған өгей әке тергеу басталмай жатып өзіне қол жұмсағаны белгілі болды, деп хабарлайды Politico.kz.

Облыстық полиция департаментінің мәліметінше, құқыққа қайшы әрекет туралы хабар 2026 жылғы 24 қаңтарда «102» пультіне түскен. Тексеру барысында жәбірленушінің 13 жастағы қыз бала екені анықталған.
Алдын ала тергеу деректеріне сәйкес, қылмысқа қыздың өгей әкесі қатысы бар. Алайда оны ұстау мүмкін болмаған. Белгілі болғандай, ер адам арыз түсерден төрт күн бұрын, яғни 2026 жылғы 20 қаңтарда суицид жасаған.

Аталған факті бойынша Қылмыстық кодекстің 120-бабы 4-бөлігі («Кәмелетке толмағанды зорлау») бойынша қылмыстық іс қозғалды.

Қазіргі уақытта оқиғаның барлық мән-жайын жан-жақты әрі объективті анықтауға бағытталған сотқа дейінгі тергеу амалдары жүргізілуде. Баланың құқықтары мен заңды мүдделері мемлекет қорғауында.

Жасөспірім Зорлық-зомбылық Маңғыстау облысы Полиция

Бізді Google-дың негізгі дереккөздер тізіміне қосыңыз

Қосу

Маңғыстау облысында 13 жастағы қызын зорлаған ер адам өзін-өзі атып тастады

Соңғы жаңалықтар