Медеу Арынбаев қуанышты жаңалығымен бөлісті

Әнші Медеу Арынбаев "Бүгін.live" бағдарламасында отбасындағы қуанышты жаңалығымен бөлісіп, келесі жылы ұлын үйлендіруді жоспарлап отырғанын жеткізді, деп хабарлайды Politico.kz.

Өнер иесінің айтуынша, ұлының сүйген қызы бар және ол баласының жеке өміріне араласпай, жастардың таңдауына құрметпен қарайды.

"Келесі жылы ұлымды үйлендірсек деген ойымыз бар. Қазір сүйген қызы бар, екеуі жақсы араласып жүр. Барлығын өзі шешеді, мен ешқандай талап қоймаймын. Біз тек ниетімізді білдіріп, тілеулес болып отырмыз", – деді әнші.

Сондай-ақ Медеу Арынбаев жастарға әрдайым ата-ананың сенімін ақтап, өзара түсіністікпен өмір сүрудің маңызды екенін жиі айтатынын атап өтті.

"Ең бастысы – бір-бірін түсініп, өз бақыттарын бірге тапса болғаны", – деп түйіндеді ол.

Медеу Арынбаев Отбасы Шоу-бизнес үйлену

Медеу Арынбаев қуанышты жаңалығымен бөлісті

Соңғы жаңалықтар