Министр Саясат Нұрбек Әл-Фарабидің туған жерін қате атады

Министр Саясат Нұрбек Әл-Фарабидің туған жерін Тараз деп атады, деп хабарлайды POLITICO.KZ

Ресей үкіметінің төрағасы Михаил Мишустин Омбы қаласында ашылған Әл-Фараби атындағы Қазақ ұлттық университетінің филиалына барды. Бұл Қазақстанның Ресей аумағындағы алғашқы жоғары оқу орны саналады.

Қонақтарды қарсы алғандардың қатарында Ғылым және жоғары білім министрі Саясат Нұрбек пен ҚазҰУ ректоры Жансейіт Түймебаев та болды. Олар ресейлік әріптестерге қабылдау комиссиясының жұмысын, оқу ғимараты мен кітапхананы көрсетті.

Кездесу барысында министр Саясат Нұрбек сөз арасында ұлы ойшыл әл-Фарабиді Тараздан деп айтып, тарихи фактімен жаңсақ кеткен. Дереккөздердің айтуынша, әлемге әйгілі философтың туған жері Отырар.