«Мұндай болып тұрады»: Астанадағы танымал мейрамхананың тағамынан тарақан шықты

Астанадағы танымал мейрамхана дауға қалды

Астанадағы Okadzaki мейрамханаларының бірінде келуші тағамының ішінен тарақан шыққанын айтып, бұл туралы әлеуметтік желідегі Threads парақшасында жариялады, деп хабарлайды Politico.kz.

Оның айтуынша, шағымданған кезде мейрамхана әкімшісі «мұндай болып тұрады» деп жауап берген. Сондай-ақ қызметкерлер сорпаны есепшоттан алып тастауды ұсынған.

Оқиға әлеуметтік желіде қызу талқыланғаннан кейін, Okadzaki әкімшілігі ресми пікір білдірді. Олар асүйде ішкі тексеріс жүргізілгенін, қосымша санитарлық өңдеу қызметі шақырылғанын және барлық ішкі процестер қайта қаралғанын хабарлады.

Мейрамхана өкілдерінің айтуынша, қазіргі уақытта зиянкестердің қайта анықталған жағдайлары тіркелмеген. Дегенмен, мұндай жағдайдың қайталанбауы үшін барлық қажетті шаралар қабылданатынын мәлімдеді.

Римде қазақ студенті Тоқаевпен футбол ойнаған кәсіпкерді кездестіріп қалды

«Қызымды аман алып қалуға болатын еді»: 12 жастағы қыздың өлімінен кейін туыстары дәрігерлерді айыптады

Астана мейрамхана санитарлық тексеріс тағам

«Мұндай болып тұрады»: Астанадағы танымал мейрамхананың тағамынан тарақан шықты

Соңғы жаңалықтар