Мұрат Мұханов ТЖМ министрі ретінде ант берді
Төтенше жағдайлар министрлігінің жаңа басшысы Мұрат Мұқанов үкімет отырысында Конституцияға қолын қойып ант берді, деп хабарлайды Politico.kz.
Жиын басында премьер-министр Олжас Бектенов үкіметтің жаңа мүшелерін таныстырды. Министрлер кабинетіне Мұхтар Тілеуберді, Әлібек Қуантыров, Арман Қырықбаев және Мұрат Мұқанов қосылды.
Оларды 3 қыркүйекте Құрылтай комитеттерінің қолдауымен президент Қасым-Жомарт Тоқаев тағайындаған болатын.
«Қазақстан Республикасының халқы мен Президентінің алдында өз Отаным – Қазақстан Республикасының экономикалық және рухани даму ісіне өзімнің бар күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімді әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге өз елімнің мемлекеттілігі мен дүниежүзілік қоғамдастығы беделін нығайту үшін салтанатты түрде ант беремін, ант етемін», – деді Мұрат Мұқанов.
Айта кетейік бүгінгі үкімет отырысының негізгі күн тәртібі жұмысшы мамандықтары бойынша кадрлар даярлаудағы жаңа тәсілдерге арналды.
Соңғы жаңалықтар
