Оқушы қызды анасы мен әкесі алты жыл бойы зорлап келген

Мәскеуде 36 жастағы әйел мен оның 47 жастағы азаматтық күйеуіне кәмелетке толмаған қыз балаға алты жыл бойы жыныстық сипаттағы зорлық әрекеттер жасағаны үшін сот үкімі шығарылды. Бұл туралы Ресей Тергеу комитетінің Мәскеу қаласы бойынша басқармасы хабарлады.

Тергеу деректеріне сәйкес, қылмыстық әрекеттер 2018 жылдың қыркүйегінен 2024 жылдың мамырына дейін жалғасқан. Тексеру барысында қыздың анасы мен оның сожителі балаға қатысты жүйелі түрде жыныстық сипаттағы заңсыз әрекеттер жасағаны анықталды.

Тергеу органдары кінәлінің айыбын дәлелдейтін бұлтартпас дәлелдер жинады. Куәлардан жауап алынып, барлық қажетті процессуалдық шаралар жүргізілді.

Мәскеу қалалық соты бұл іс бойынша үкім шығарып, ер адамды 24 жылға қатаң режимдегі колонияға, ал әйелді 20 жылға жалпы режимдегі колонияға бас бостандығынан айырды. Үкім Ресей Федерациясының Қылмыстық кодексіндегі бірнеше бап бойынша шығарылды: зорлау, жыныстық сипаттағы күш қолдану, кәмелетке толмағанмен жыныстық қатынас және азғындық әрекеттер.