"Мойнын сындырған": Павлодарда үш жастағы қызын өлтірді деген күдікпен әкесі ұсталды

Павлодар облысында үш жастағы қыз баланың өліміне қатысты қылмыстық іс қозғалды. 

Павлодар облыстық полиция департаментінің мәліметінше, бұл дерек бойынша ҚР Қылмыстық кодексіне сәйкес қылмыстық іс тіркелді.

Алдын ала мәлімет бойынша, 21 қыркүйек күні Тереңкөл ауылындағы үйден ауыр дене жарақаттарымен ауруханаға жеткізілген бүлдіршін есін жимастан көз жұмған.

Аталған қылмысқа күдікті ретінде марқұмның әкесі анықталып, ұсталды. Сот санкциясымен ол қамауға алынды.

Қайғылы оқиғаның нақты себептері мен мән-жайы тергеу барысында анықталатын болады.