Президент құрған жұмыс тобы Парламенттің тамырына қан жүгіртпек

Президент Парламенттік реформа жөніндегі жұмыс тобын құрды, деп хабарлайды POLITICO.KZ.

Мемлекет басшысы «Парламенттік реформа жөніндегі жұмыс тобы туралы» өкімге қол қойды. Бұл топ Президенттің 2025 жылғы 8 қыркүйектегі «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын іске асыруға бағытталған ұсыныстарды тұжырымдау мақсатында құрылды.

Жұмыс тобының құрамына Парламент Мәжілісі мен Сенатының, Қазақстан халқы Ассамблеясының өкілдері, сондай-ақ Мәжілістегі саяси партиялар фракцияларының жетекшілері кірді.

Бұдан бөлек, топқа ғылыми институттардың басшылары, конституциялық құқық пен мемлекет және құқық теориясына маманданған белгілі заңгер-ғалымдар, Ұлттық Құрылтай мүшелері және сарапшылар енгізілді.