"Психиатриялық ауруханаға апара жатыр". Хутор бандасы туралы айтқан тұрғын ұсталды

Асхат Ниязовтың «ОБОЖАЮ» YouTube арнасында сұхбат берген Талғар ауданының тұрғыны ұсталды, деп хабарлайды ozgeris.info.

Бұл туралы Асхат Ниязов өз Telegram парақшасында айтты.

«Дәл қазір полиция Талғар туралы шығарылым кейіпкерлерінің бірін ұстады, ол «хутор» туралы айтып берген болатын. Оны психиатриялық ауруханаға апара жатыр»,- деді журналист. Рысқұлов ауылының тұрғыны Асхат Ниязовтың «Хутор» бандасы туралы бейнежазбада бар білгенін айтқан болатын. Оның айтуынша, «Хуторлықтар» Талғар ауданында адамдарды бұрыннан бері өлтіріп келе жатыр. «Олар менің замандастарымды өлтірді, олардың көбі қайтыс болды. Олар «жабылып ұрып кетті, Жамбыл марқұмды ұрып өлтірді» деп жылады. Бұл әлдеқашан басталған, қазір тек жалғасы ғана. Ақша бар, шатыр бар, жағдайлары жақсы. Нені жасағысы келсе, соны істейді. Алдымен мұғалімдерді, тіпті мектепте еден жуатындарды да тексеру керек. Олар мұғалімдердің балалары. Нұрқиястың (Шерзаттың өліміне күдікті) анасы мұғалім, әкесі мектепте жұмыс істейді. Бәрі шындықты айтудан қорқады, айтпайды. Мен қорықпаймын, шындықты айтамын. Мені өлтіріп, қамап қойсын. Сондай-ақ, ол Шерзаттың өліміне күдікті Нұрқияс адамды бірінші рет өлтірмегенін айтты. «Нұрқияс ауылдың тұрғыны, жас. Ол оңбаған. Бұл оның алғашқы кісі өлтіруі емес, ол біздің ауылда да өлтірген. Олар осыдан 2-3 жыл бұрын аялдамада баланы өлтірген. Үш ер адам өтіп: «Эй, не істеп жатырсыңдар? Өлтіресіңдер ғой!» деді, қарамайды үлкен адамдарға, осы ауылдың адамдары айтады. Нұрқияс Хуторлық, иә. Сосын эпилепсия деп сараптама жасалды. Қайтыс болғанның әкесін олар не ақшасын төледі, не қорқытты, білмеймін. Мен оған барып, көмектесейік, РОВД шығайық, Генпрокуратураға шығайық дедім. Ол қорықты. Мен адамдардың сөзінен айтып отырмын, оны өзім көрген емеспін. Адамдар бұл жерде тағы біреуін өлтірді дейді. Нұрқияс та сол жерде болған, бірақ басқа адамдар отырды. Нұрқияс оңбаған. Оған «басын кес» десе, ол барып басын кесе салады. Оның өз миы жоқ, шатыры бар. РОВД-да шатыры бар», деді Рысқұлов ауылының тұрғыны.