Қазақстандықтар биылғы Құрбан айтта қалай демалады?

Қазақстандықтар 27 мамыр күні Құрбан айт мерекесін атап өтеді. Осыған байланысты ел тұрғындары мамыр айының соңында қосымша бір күн демалады, деп хабарлайды Politico.kz.

Қазақстан мұсылмандары діни басқармасы жариялаған күнтізбеге сәйкес, 2026 жылы Құрбан айт 27–29 мамыр аралығында өтеді. Мерекенің алғашқы күні — 27 мамыр ресми демалыс күні болып саналады. Биыл бұл күн сәрсенбіге сәйкес келіп отыр.

Бес күндік жұмыс аптасымен істейтін қазақстандықтар үшін демалыс кестесі былай бөлінеді:

– 25–26 мамыр — жұмыс күндері

– 27 мамыр — Құрбан айтқа байланысты демалыс

– 28–29 мамыр — жұмыс күндері

– 30–31 мамыр — күнтізбелік демалыс күндері

Ал алты күндік жұмыс аптасымен еңбек ететін азаматтар үшін де 27 мамыр мерекелік демалыс күні болып есептеледі.

Демалыс Мереке мешіт Құрбан айт