«Қош келдің, қызым!»: белгілі әнші Ринат Шамшырақ әке атанды

Әнші әрі блогер Ринат Шамшырақ пен жұбайы Аружан Төренің отбасында қуанышты жағдай орын алып, олар қызды болды, деп хабарлайды Politico.kz.

​Өнер иесі әлеуметтік желідегі парақшасында алғаш рет әке атанғанын сүйіншілеп, оқырмандарынан сүйінішті лебіздер күтетінін жеткізді.

​«Аллаға мың шүкір. Жақсылар, құттықтап қойсаңыздар болады. Бүгін Алланың қалауымен әке атандым. Қош келдің, қызым! Осындай сәт сіздерге де жұғысты болсын. Ана болу, әке болу бақытын шын жүректен тілеймін», – деп жазды әнші.

​Сондай-ақ Ринат Шамшырақ сәбидің есімін үлкендердің таңдайтынын айтып, осындай бақыт сыйлаған жарына деген жылы сезімін білдірді.

​«Есімін бұйыртса, атасы мен әжесі өзіміз қоямыз деді. Осындай сәтті сыйлаған жарыма алғысым шексіз», – деді ол.

​Желі қолданушылары жас ата-ананың қуанышына ортақтасып, нәрестеге амандық, ұзақ ғұмыр және отбасына бақ-береке тілеп, ақ жарма тілектерін жаудыруда.