СҚО-да әкесіне қол көтеріп, оны видеоға түсірген жігіт бес тәулікке қамалды

Солтүстік Қазақстан облысында 67 жастағы әкесіне күш қолданып, оны видеоға түсірген 22 жастағы жігіт әкімшілік жауапкершілікке тартылды, деп хабарлайды Politico.kz.

Оқиға Шал ақын ауданына қарасты Бірлік ауылында болған. Әлеуметтік желіде тараған бейнежазбада жігіттің әкесін балағаттап, оған қол көтергені көрінеді. Видеодан кейін полиция тексеру жүргізіп, оқиғаға қатысы бар азаматты анықтаған.

Тергеу барысында оның мас күйде болғаны белгілі болды. Сот шешімімен жігіт тұрмыстық қатынастар саласындағы құқыққа қайшы әрекеті үшін бес тәулікке әкімшілік қамауға алынды.

Белгілі болғандай, зейнеткер әке ұлына қатысты арыз жазудан бас тартқан. Соған қарамастан, полиция қолданыстағы заңнама аясында әкімшілік іс қозғаған.

Полицияның мәліметінше, 22 жастағы азамат бұған дейін де әкімшілік жауапкершілікке тартылған. Жиналған материалдар сотқа жолданып, нәтижесінде оған бес тәулікке қамау жазасы тағайындалды.

Оқиға Полиция СҚО қол көтеру

СҚО-да әкесіне қол көтеріп, оны видеоға түсірген жігіт бес тәулікке қамалды

Солтүстік Қазақстан облысында 67 жастағы әкесіне күш қолданып, оны видеоға түсірген 22 жастағы жігіт әкімшілік жауапкершілікке тартылды, деп хабарлайды Politico.kz.

Соңғы жаңалықтар