Нұрболат Абдуллин жарына жазба арнады

Әнші Нұрболат Абдуллин жұбайы Фариданы туған күнімен құттықтап, әлеуметтік желіде жүрекжарды жазба жариялады, деп хабарлайды POLITICO.KZ

Өнер иесі Instagram парақшасында жарына арнап:

«Туған күніңмен! Маңдайыңа жазылған тағдырың менімен тәтті болсын!» – деп жазды.

Әлеуметтік желі қолданушылары Нұрболат пен Фарида жұбына жылы лебіздерін білдіріп, олардың махаббатына сүйсінетінін атап өтті. Кейбірі тіпті екеуінің махаббаты университетте оқып жүргенде туындағанын еске алды.

"Иә, бұл жастардың махаббатына Ақтөбе пединститутында қызмет істеген кезде куә болғанбыз. Екеуі өте жарасымды жұп. Ол кезде Фарида да институт сахнасында талай рет керемет даусымен ән шырқаған. Фаридуш, жаңа жасың құтты болсын! Осылай жарқырап, жайнап аман-есен жастан-жасқа жете бер! Жандарым сол, аман жүріңдер, бақытты болыңдар!", - деп жазды оқырман.