Танымал қазақстандық әнші он екі жылдан соң сәбилі болды

"Меломен" тобының әншісі Ролан Қазретов желідегі парақшасында сүйінші жаңалығын бөлісті, деп хабарлайды POLITICO.KZ Skifnews.kz ақпарат порталына сілтеме жасап.

Ол 12 жылдан кейін сәбилі болғанын жасырмады. 

"Ардақты ағайын, құрметті қазақ елі, сүйінші! 12 жылда Аллахым қыз нәсіп етті! Құдайдың қүдіреті шексіз", деді ол. 

Желі қолданушылары әншіні құттықтап, түрлі пікір жазды. 

"Мә, денем тітіркеніп кетті ғой, Роланға тілекші едім", "Алла ұлық! Бауы берік болып, артынан ерсін!", "Бауы берік болсын! Анасының дені сау болсын", деп жазды олар. 

Пікір қалдырушылардың қатарында танымал өнер жұлдыздары да бар.