Танымал қазақстандық боксшының отбасы ауыр қайғыға душар болды

Қазақстандық кәсіпқой боксшы Ангелина Лукас отбасындағы қайғылы қаза туралы айтты, деп хабарлайды Politico.kz.

 Спортшының атасы өмірден өтіп, бұл қайғылы жаңалықты ол өз парақшасында хабарлап, жерлеу рәсімінен бейнежазба жариялады.

Боксшы жазбасында марқұм атасының отбасы үшін орны ерекше болғанын атап өтіп, оның әулетке тірек, береке сыйлаған жан екенін жеткізді.

«Сен біз үшін үнемі алаңдап жүретін едің. Енді сенсіз қаламыз деп қорқамыз. Атам әжеммен 56 жыл бойы тату-тәтті өмір сүрді. Әжем оның соңғы деміне дейін жанынан табылды», – деп жазды Ангелина Лукас.

Жарияланған кадрлардан марқұмның табыты Қазақстан Республикасының мемлекеттік туымен жабылғанын байқауға болады.