Туған қарындасын қылқындырып өлтірген ер адамның әрекеті елді шошытты

Бакудің аса ауыр қылмыстар жөніндегі сотында Тебриз Гасымовқа қатысты қылмыстық іс бойынша соңғы сот отырысы өтті. Бұл туралы Oxu.Az хабарлады.

Сот шешімімен Тебриз Гасымов 15 жыл мерзімге бас бостандығынан айырылды. Ол жазасын қатаң режимдегі түзеу мекемесінде өтейді.

Оқиға 2024 жылдың 1 шілдесінде Бинагади ауданының Расулзаде елді мекенінде болған. 2004 жылы туған Тахмина Гасымованың өліміне байланысты тергеу амалдары жүргізіліп, оның ағасы Тебриз Гасымовтың жеке қатынастар негізінде қарындасын қасақана тұншықтырып өлтіргені анықталған.

Сотталушыға Әзербайжан Республикасы Қылмыстық кодексінің 120.2.4-бабы (ерекше қатыгездікпен немесе қоғамға қауіпті тәсілмен жасалған кісі өлтіру) және 120.2.9-бабы (адамның дәрменсіз күйін пайдаланып немесе адам ұрлаумен, кепілге алумен байланысты кісі өлтіру) бойынша айып тағылған.