Түркістан облысында пойыз вагоны рельстен шығып кетті: Зардап шеккендер бар

3 қыркүйек 2026, 23:08 1224

Түркістан облысында пойыз вагоны рельстен шығып кетті: Зардап шеккендер бар — Фото: Politico.kz

Түркістан облысына бағыт алған №8 «Саратов – Алматы» жолаушылар пойызының бір вагоны Жаңақорған – Түркістан теміржол учаскесінде рельстен шығып кетті, деп хабарлайды Politico.kz.

Оқиға кезінде вагонда 36 жолаушы, оның ішінде 13 бала болған.

Алдын ала мәлімет бойынша, вагон рельстен шыққан кезде дәретханада болған әйел басынан жарақат алған. Сонымен қатар көрші вагонда отырған баланың үстіне қайнаған су төгіліп, күйік алған.

«Жолаушылар тасымалы» АҚ мәліметінше, оқиғаға техникалық себептер себеп болуы мүмкін. Қазіргі уақытта көліктегі полиция қылмыстық іс қозғап, оқиғаның нақты мән-жайы мен себебін анықтап жатыр.

Жолаушыларды межелі жеріне жеткізу үшін қосымша пойыз ұйымдастырылған. Оқиға орнына қалпына келтіру пойызы да жіберілді.

Қазір тиісті мамандар оқиғаның салдарын жою және теміржол қозғалысын қалыпқа келтіру жұмыстарын жүргізіп жатыр.

Андрей Сибига: Астана Зеленский мен Путин кездесетін алаңға айналса, қуана құптаймыз

Тоқаев жаңа СІМ басшысына маңызды тапсырмалар жүктеді

Вагон зардап шеккендер Пойыз рельс Темір жол Түркістан облысы

Бізді Google-дың негізгі дереккөздер тізіміне қосыңыз

Қосу