Түркияда Озгюр Озельге шабуыл жасалды

Түркияда оппозициялық партияның көшбасшысы Өзгүр Өзелге бұрын адам өлтіргені үшін сотталған азамат шабуыл жасады, деп хабарлайды POLITICO.KZ.

Республикалық халық партиясының (CHP) жетекшісі Өзгүр Өзел Маниса қаласындағы мәдениет орталығынан шығып бара жатқанда, оған 66 жастағы Селчук Тенгиоглу есімді азамат соққы жасаған. Euronews агенттігінің мәліметінше, Тенгиоглу 2004 жылы екі баласын өлтіргені үшін түрмеге қамалған екен.

Шабуыл жасаған азамат өз әрекетін партияның оған азық-түлік карталарын беруден бас тартқанына ренжігенімен түсіндірген.

Оқиғадан кейін Түркия президенті Режеп Тайып Ердоған Өзгүр Өзелге хабарласып, қолдау білдірген.