Ұшақ дөңгелегінен екі адамның мәйіті табылды

JetBlue әуе компаниясының Airbus A320-232 ұшағы 6 қаңтарда Нью-Йорктегі Джон Кеннеди әуежайынан ұшып, Флорида штатының Форт-Лодердейл әуежайына қонғаннан кейін, ұшақтың шасси бөлігінен екі адамның денесі табылды.

Бұл туралы JetBlue әуе компаниясы жзазды. Мәйіттер техникалық тексеру кезінде табылған.

JetBlue әуе компаниясы қаза тапқан адамдардың жеке басын және олар ұшаққа қалай кіргенін анықтау бойынша тергеу жүргізіліп жатқанын хабарлаған..

Ұшақ Джон Кеннеди әуежайынан ұшып шыққаннан кейін Флоридаға кешкі уақытта қонған. Әуе компаниясы бұл оқиғаны ерекше атап, тергеу жұмыстарына барлық қажетті қолдауды көрсетуге дайын екенін білдірді.