Зейнетақы жинағынан тіс емдеуге өтінімдер қабылдау тоқтатылады

Қазақстанда стоматологиялық қызметтерді төлеу үшін зейнетақы жинақтарын пайдалануға өтінімдер қабылдау уақытша тоқтатылады, деп хабарлайды POLITICO.KZ. 

Шектеулер 15 қыркүйектен бастап күшіне енеді. 

"Құрметті клиенттер, 2025 жылғы 15 қыркүйектен бастап enpf-otbasy.kz платформасында тіс емдеуге зейнетақы жинақтарын (БЖЗҚ қаражатын) пайдалану бойынша өтінімдер қабылдау тоқтатылады. Бұл күнге дейін берілген барлық өтінім қалыпты тәртіпте қаралады және өңделеді", – деп мәлімдеді "Отбасы банк".

Тіс емдеуге БЖЗҚ қаражатын пайдалану үшін өтінім қабылдау қайта қашан басталатыны туралы банк қосымша хабарлайды.