Жезқазғандық мас тұрғын прокуратура қақпасын қиратты

19 қыркүйек 2025, 16:29 483

Ұлытау облысының прокуратура ғимаратының қақпасын қателесіп сындырған жергілікті тұрғын сотталды, деп хабарлайды POLITICO.KZ.

Қала тұрғыны мас күйінде прокуратура ғимаратын досының үйімен шатастырып алып, қақпасын сындырып кеткен. Ол әуелі қақпаны ашуға тырысып көрген.

Прокуратура залалды 259 мың теңгеге бағалады. Ер адам ақшаның бір бөлігін өтеп, ал қалғанын жақын арада төлеуге уәде берді.

Сот ер адамды басқа біреудің мүлкіне қасақана зиян келтіргені үшін кінәлі деп тауып, оған бес күндік әкімшілік қамауға алу жазасын тағайындады.

Бізді Google-дың негізгі дереккөздер тізіміне қосыңыз