Нұрлан имам әлеуметтік желі арқылы 2 мың доллар табыс тапқан

Танымал мобилограф Қыран Талапбек Нұрлан имамның әлеуметтік желідегі парақшасынан видео жолдады, – деп хабарлайды politico.kz.

– «Сәлем, достар. Қазір Нұрлан имаммен бірге отырмын. Бұл кісілер Tiktok желісі тікелей эфирде көрермендері берген сыйлық үшін ақша алуға болатынын білмепті. Қарасам, теңгерімінде 2 мың АҚШ доллары бар ғой», – дейді Қыран Талапбек.

«Осыны оқырмандарымның арасында Меккеге, Ұмраға қажылыққа жолдама ретінде менімен бірге баруға сыйлаймын», – деп жазды имам.

Блогер дін өкілінің Tiktok парақшасының теңгерімін тексеріп отырып, шотта біршама қаражат тұрғанын қуана хабарлайды . Нұрлан имам болса, мұндай табыс туралы мүлде білмегенін жеткізді. Алдағы уақытта Нұрлан имам бұл қаражатты қайырымдылыққа жұмсамақ.