Атырауды бес күннен бері түтін басып тұр: қамыс өрті тоқтар емес, тұрғындар тұншығуда

Атырауды бес күннен бері түтін басып тұр: қамыс өрті тоқтар емес, тұрғындар тұншығуда

Атырау қаласында қамыстың жаппай өртенуі бесінші күн қатарынан тоқтар емес. Қаланы қалың түтін басып, ауа сапасы күрт нашарлады. Әлеуметтік желідегі мәліметтерге сәйкес, өртті сөндіруге бағытталған шаралар әзірге нәтиже бермей жатыр.

Тұрғындардың айтуынша, түтіннің әсерінен бас ауруы, жүрек айну, құсу және әлсіздік секілді белгілер пайда болған. Әсіресе балалар мен тыныс алу жүйесінде созылмалы дерті бар азаматтарға ауыр тиюде.

Стационарлық экологиялық бақылау пункттерінің деректеріне сүйенсек, ауадағы сероводород мөлшері қалыпты деңгейден 18 есе артық.

Қазір әлеуметтік желілерде экологиялық ахуалға байланысты төтенше жағдай жариялау туралы талаптар жиілеп кетті. Тұрғындар жергілікті биліктен нақты әрі жедел әрекет күтуде.