Бишімбаев ісімен танылған прокурор Айжан Аймағанова депутаттыққа үміткер атанды

Қуандық Бишімбаевқа қатысты резонансты қылмыстық іс бойынша мемлекеттік айыптаушы болған прокурор Айжан Аймағанова депутаттыққа үміткер ретінде ұсынылды, деп хабарлайды Politico.kz.

Бұқаралық ақпарат құралдарында тараған мәліметке сәйкес, Айжан Аймағанова «Әділет» партиясының атынан Құрылтай құрамына депутаттыққа кандидат ретінде ұсынылған.

Айжан Аймағанова 2024 жылы бұрынғы ұлттық экономика министрі Қуандық Бишімбаевқа қатысты сот процесінде мемлекеттік айыптаушы ретінде танымал болды. Ол сот барысында айыптау тарапының ұстанымын қорғап, дәлелдерді жүйелі түрде ұсынып, қоғам назарын өзіне аударған еді. Сол уақыттан бері оның кәсіби қызметі көпшіліктің талқысына түсіп, әлеуметтік желілер мен ақпарат құралдарында кеңінен талқыланды.

Әзірге Айжан Аймағанованың өзі кандидатурасына қатысты ресми мәлімдеме жасаған жоқ. Ал оның кандидатурасына байланысты шешім заңнамада белгіленген тәртіппен қаралатын болады.

Алматыда екі жыл бұрын жұмбақ жағдайда өлген бойжеткеннің ісі қайта қозғалды

ҰҚК Тілек Махуовқа қатысты тергеуді растады

Айжан Аймағанова Депутaт Прокурор Қуандық Бишімбаев Құрылтай Әділет партиясы

Бишімбаев ісімен танылған прокурор Айжан Аймағанова депутаттыққа үміткер атанды

Соңғы жаңалықтар