Денсаулық сақтау министрі Ақтаудағы ұшақ апатынан тірі қалғандар туралы айтты

Бакуден Грозныйға бағыт алған Azerbaijan Airlines авиакомпаниясының ұшағы Ақтауда апатқа ұшырады. Ұшақ бортында экипаж мүшелерін қоса алғанда 67 адам болған. Оқиға орнына шұғыл қызметтер жіберіліп, зардап шеккендерге көмек көрсетілуде, деп хабарлайды POLITICO.KZ.

Денсаулық сақтау министрі Ақмарал Әлназарованың мәлімдеуінше, алты адам тірі қалған, бірақ олардың жағдайы ауыр. Министрдің айтуынша, Ақтауға санавиация ұшағымен травматолог, нейрохирург және өзге де мамандар жіберіледі.

Маңғыстау облысының денсаулық сақтау басқармасының хабарлауынша, 12 адам түрлі жарақаттармен облыстық ауруханаға жеткізілген, олардың арасында бір бала бар.

Зардап шеккендердің өмірін сақтау үшін барлық қажетті шаралар қабылдануда. Оқиғаның себебі анықталуда.