Күдікті ұсталды: Щучинскте үй өртеніп, ерлі-зайыпты тірідей жанып кетті

Щучинскіде жеке тұрғын үйде өрт салдарынан сол үйде тұратын ерлі-зайыпты көз жұмды Полиция мәліметінше, 39 жастағы жергілікті тұрғын қасақана өрт қойған, деп хабарлайды Politico.kz.

Өрт 29 қыркүйекке қараған түні жеке тұрғын үйде болған.

Ақмола облысының төтенше жағдайлар департаментінің мәліметінше, өрт 90 шаршы метр аумақты шарпыған.

«Оқиға орнына келген ТЖД қызметкерлері өртті сөндірді. Өртті сөндіру барысында құтқарушылар үйден ер адам мен әйелдің мәйітін алып шықты», – деп хабарлады ТЖД.

Қазіргі уақытта өрттің шығу себебі анықталып жатыр.

Ақмола облысының полиция департаменті өрт дерегі бойынша сотқа дейінгі тергеуді бастады.

«Алдын ала анықталғандай, 39 жастағы жергілікті тұрғын үйді әдейі өртеген. Оқиға салдарынан осы үйде тұрған ерлі-зайыпты көз жұмды», – деп хабарлады полиция.

Күдікті ұсталып, уақытша ұстау изоляторына қамалды. Қазіргі уақытта оқиғаның мән-жайы анықталып жатыр.

Ақмола облысы Щучинск қасақана өрт қою Өрт

Күдікті ұсталды: Щучинскте үй өртеніп, ерлі-зайыпты тірідей жанып кетті

Соңғы жаңалықтар