Мәулен Әшімбаев вице-президент бола ма? – Сенат төрағасы жауап берді

Сенат төрағасы Мәулен Әшімбаев жаңа Конституция қабылданған жағдайда өзі Қазақстанның вице-президенті қызметін атқара ма деген сұраққа жауап берді, деп хабарлайды Politico.kz.

Оның айтуынша, бұл сөздердің ешқандай негізі жоқ. Әшімбаев мұндай әңгімелер қоғамдық талқылауды теріс бағытқа бұратынын, вице-президент лауазымы жайлы пікір білдіру орынсыз екенін айтты.

«Бұл әңгімелердің барлығының негізі жоқ. Егер Қазақстан халқы референдумда Конституцияның жаңа жобасын қолдаса, референдумнан кейінгі барлық кадрлық мәселелер елдің жаңа Конституциясына сәйкес шешіледі», – деді Әшімбаев Сенат кулуарында.

Сонымен қатар, ол Сенаттың өкілеттігі тоқтатылған жағдайда да, ел игілігі үшін «кез келген бағытта» жұмыс істеуге дайын екенін мәлімдеді.

Әшімбаев негізгі назар кадрлық мәселелерге емес, конституциялық өзгерістерді талқылауға аударылғанын атап өтті. Сондықтан 1 шілдеден бастап (егер Конституция референдум қорытындысы бойынша қабылданса) Сенат өз қызметін тоқтатқаннан кейін Әшімбаев өзі тағайындалған жерде жұмысын жалғастырады.